ഭാര്യയെ ഭര്‍ത്താവ് വെട്ടിക്കൊലപ്പെടുത്തി

23 March, 2024

കണ്ണൂര്‍ പേരാവൂരില്‍ ഭാര്യയെ ഭര്‍ത്താവ് വെട്ടിക്കൊലപ്പെടുത്തി. തൊണ്ടിയില്‍ കണ്ടിച്ചാത്തന്‍കണ്ടിയിലെ ലില്ലിക്കുട്ടിയാണ് (60) കൊല്ലപ്പെട്ടത്. ഇവര്‍ക്കൊപ്പം ഉണ്ടായിരുന്ന ജോണിന്റെ മകന്‍ ദിവിഷിന്റെ ഭാര്യാ സഹോദരന്‍ അനൂപ് ജോസഫിനും വെട്ടേറ്റു. പരിക്കേറ്റ അനൂപിനെ ആശുപത്രിയില്‍ പ്രവേശിപ്പിച്ചിരിക്കുകയാണ്. ലില്ലിക്കുട്ടിയുടെ ഭര്‍ത്താവ് ജോണിനെ പൊലീസ് കസ്റ്റഡിയിലെടുത്തു. ശനിയാഴ്ച വൈകിട്ട് നാലരയോടെയാണ് സംഭവം.

കഴിഞ്ഞ രണ്ടു ദിവസമായി കണ്ണൂരിലെ ആശുപത്രിയില്‍ ചികിത്സയിലായിരുന്നു ലില്ലിക്കുട്ടി. അനൂപാണ് ഇവരെ കൂട്ടിക്കൊണ്ടുവരാനായി കാറില്‍ പോയത്. ഡിസ്ചാര്‍ജായി വീട്ടിലേക്കു വന്ന് വാഹനത്തില്‍നിന്ന് ഇറങ്ങുമ്പോഴാണ് ജോണ്‍ ആയുധവുമായെത്തി വെട്ടിയത്. വര്‍ഷങ്ങളായി മാനസിക പ്രശ്‌നങ്ങള്‍ക്കു മരുന്ന് സ്ഥിരമായി കഴിക്കുന്നയാളാണ് ജോണ്‍. ദമ്പതികളുടെ രണ്ട് മക്കളും സ്ഥലത്തില്ല. ഒരാള്‍ യുകെയിലും മറ്റൊരാള്‍ ദുബായിലുമാണ്.




Comment

Editor Pics

Related News

ഭാര്യയെ വെട്ടിക്കൊന്ന 71കാരന്‍ കീഴടങ്ങി
പരസ്യമായി ഭാര്യയെ കുത്തിക്കൊന്നു; ഭര്‍ത്താവ് പിടിയില്‍
മകന്‍ അമ്മയെ അടിച്ചുകൊന്നു
പണത്തിന് വേണ്ടി അമ്മയെ കൊന്ന് കുളിമുറിയില്‍ കുഴിച്ചിട്ടു; ദത്തുപുത്രന്‍ അറസ്റ്റില്‍