Or copy link
Latest News
ശ്രീചിത്രയിൽ ശസ്ത്രക്രിയകൾ രണ്ട് ദിവസത്തിനുള്ളിൽ പുനരാരംഭിക്കും; നിർണായക ഇടപെടലുമായി കേന്ദ്ര സഹമന്ത്രി സുരേഷ് ഗോപി
തിരുവനന്തപുരം: ശ്രീചിത്ര ഇൻസ്റ്റിറ്റ്യൂട്ടിൽ ഇന്റർവെൻഷണൽ റേഡിയോളജി വിഭാഗത്തിൽ ശസ്ത്രക്രിയകൾ ഉപകരണങ്ങളുടെ ലഭ്യതക്കുറവ് മൂലം മാറ്റിവച്ച സാഹചര്യത്തിൽ കേന്ദ്ര സഹമന്ത്രി സുരേഷ് ഗോപി ഇടപെട്ടു.ഉപകരണങ്ങൾ വാങ്ങാൻ ഒരു ആഴ്ചയ്ക്കുള്ളിൽ നടപടികൾ സ്വീകരിക്കുമെന്നും രണ്ട് ദിവസത്തിനുള്ളിൽ ശസ്ത്രക്രിയകൾ പുനരാരംഭിക്കുമെന്നും സുരേഷ് ഗോപി ഉറപ്പുവരുത്തി.
പ്രധാനമന്ത്രിയുടെ ഓഫീസിനെ വിശദാംശങ്ങൾ അറിയിക്കുമെന്ന് സഹമന്ത്രി സുരേഷ് ഗോപി പറഞ്ഞു. ശ്രീചിത്രയിലെത്തിയ കേന്ദ്രമന്ത്രി സ്ഥിതിഗതികൾ വിലയിരുത്താൻ അടിയന്തര യോഗം വിളിച്ചു. ശ്രീചിത്ര ഡയറക്ടർ ഡോ. സഞ്ജയ് ബെഹാരിയും മറ്റ് വകുപ്പ് മേധാവികളും യോഗത്തിൽ പങ്കെടുത്തു. ശ്രീചിത്രയിൽ ഇന്ന് നടത്താൻ നിശ്ചയിച്ചിരുന്ന അഞ്ച് അടിയന്തര ശസ്ത്രക്രിയകൾ മാറ്റിവച്ചു. രണ്ട് രോഗനിർണയ പരിശോധനകളും റദ്ദാക്കി.
അതേസമയം, ശസ്ത്രക്രിയകൾ പെട്ടെന്ന് മാറ്റിവച്ചതിനെതിരെ യൂത്ത് കോൺഗ്രസ് പ്രവർത്തകർ ശ്രീചിത്ര ഇൻസ്റ്റിറ്റ്യൂട്ടിൽ പ്രതിഷേധ പ്രകടനം നടത്തി. സുരേഷ് ഗോപിയുടെ പൈലറ്റായി എത്തിയ പോലീസ് പ്രതിഷേധക്കാരെ തടഞ്ഞുനിർത്തി അകത്ത് പൂട്ടിയിട്ടു. പിന്നീട് ഡയറക്ടർ ഡോ. സഞ്ജയ് ബെഹാരി എത്തി പ്രതിഷേധക്കാരുമായി ചർച്ച നടത്തി.
ശ്രീചിത്ര ഇൻസ്റ്റിറ്റ്യൂട്ടിലെ ഇന്റർവെൻഷണൽ റേഡിയോളജി വിഭാഗത്തിൽ മൂന്ന് ദിവസത്തേക്ക് നടത്താൻ നിശ്ചയിച്ചിരുന്ന 15 ശസ്ത്രക്രിയകളും മാറ്റിവച്ചു. ആശുപത്രി അധികൃതർ ഇക്കാര്യം രോഗികളെ അറിയിച്ചിട്ടുണ്ട്. അടിയന്തര ശസ്ത്രക്രിയകൾക്കായി പ്രവേശിപ്പിച്ച രോഗികളെ ആശുപത്രിയിൽ നിന്ന് ഡിസ്ചാർജ് ചെയ്യുന്നു. ഉപകരണങ്ങൾ നൽകണമെന്ന് കമ്പനികളോട് ആവർത്തിച്ച് അഭ്യർത്ഥിച്ചിട്ടും ഡോക്ടർമാർക്ക് മറുപടി ലഭിക്കാത്തതിനെത്തുടർന്ന് പ്രശ്നം കൂടുതൽ വഷളായി.
POPULAR NEWS
Editor Pics
24NewsLive
ഇന്ന് പതിമൂന്നാം തീയതി, ദൈവാനുഗ്രഹം സമൃദ്ധമാകുന്ന ദിനം.
Shibu K M
താല്പര്യമുള്ളവർക്ക് പ്രയർ ഗ്രൂപ്പിൽ ജോയിൻ ചെയ്യാം ബ്രദർ ഷിബു കിഴക്കേക്കുറ്റ് കാനഡ
Shibu K M
മണ്ണിനല്ല; മനുഷ്യനാണ് വില,78 സെൻ്റ് സാധുക്കൾക്ക് വീട് നിർമ്മിക്കാൻ; ഇത് കിഴക്കേക്കുറ്റ് ചാക്കോച്ചൻ മോഡൽ
24NewsLive
ഇന്ന് സകല മരിച്ചവരുടെയും തിരുനാൾ
24NewsLive
റൊമാനോയി മരിയന്‍ പ്രത്യക്ഷീകരണം തള്ളി വത്തിക്കാന്‍
