പൂച്ചാക്കല്‍: അക്വേറിയം വൃത്തിയാക്കുന്നതിനിടെ ആറാം ക്ലാസ്സ് വിദ്യാര്‍ഥി ഷോക്കേറ്റ് മരിച്ചു.
മണപ്പുറം സെന്റ് തെരേസാസ് സ്‌കൂള്‍ വിദ്യാര്‍ഥിയുംശരത് – സിനി ദമ്പതികളുടെ മകനുമായ അലന്‍ ആണ് മരിച്ചത്. ഇന്നലെ ഉച്ചയ്ക്ക് ശേഷമായിരുന്നു സംഭവം. ഈ സമയം വീട്ടില്‍ ആരും ഇല്ലായിരുന്നു. അയല്‍പക്കത്ത് നിന്നും മടങ്ങിയെത്തിയ മുത്തശ്ശി ബഹളം വച്ചതിനെ തുടര്‍ന്ന് ഓടിയെത്തിയ നാട്ടുകാര്‍ കുട്ടിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. പൂച്ചാക്കല്‍ പൊലീസ് മേല്‍നടപടികള്‍ സ്വീകരിച്ചു. സഹോദരന്‍ എട്ടാം ക്ലാസ് വിദ്യാര്‍ഥി അശ്വിന്‍.
