Sunday, September 20, 2020
Home News Kerala കുരുക്ക് മുറുകുന്നു ബിനീഷ് കോടിയേരിയെ ചോദ്യം ചെയ്തത് 12 മണിക്കൂർ

കുരുക്ക് മുറുകുന്നു ബിനീഷ് കോടിയേരിയെ ചോദ്യം ചെയ്തത് 12 മണിക്കൂർ

കൊച്ചി: സ്വർണക്കടത്ത് കേസിൽ സി.പി.എം. സംസ്ഥാന സെക്രട്ടറിയുടെ മകൻ ബിനീഷ് കോടിയേരിയെ എൻഫോഴ്‌സ്‌മെന്റ് ഡയറക്ടറേറ്റ് ഇന്നലെ ചോദ്യം ചെയ്തത് 12 മണിക്കൂർ. കഴിഞ്ഞദിവസം രാവിലെ 11-ന് തുടങ്ങിയ ചോദ്യംചെയ്യൽ രാത്രി 11-വരെ നീണ്ടു.

ബിനീഷിനെ ചോദ്യം ചെയ്തതിന്റെ ഫലമായി സ്വർണക്കടത്ത് കേസ് പ്രതി കെ.ടി. റമീസും ബംഗളുരു ലഹരിക്കടത്ത് കേസ് പ്രതി അനൂപ് മുഹമ്മദും തമ്മിലുള്ള അടുത്ത ബന്ധം മനസിലായെന്ന് എൻഫോഴ്സ്മെന്റ് ഡയറക്ടറേറ്റ് പറഞ്ഞു.

റമീസിനു ദുബായിൽനിന്നു സ്വർണം വാങ്ങിയത് അനൂപ് ലഹരിമരുന്ന് വാങ്ങാൻ വെച്ച പണംകൊണ്ടാണ്. അനൂപുമായും സ്വർണക്കടത്ത് കേസിലെ രണ്ടാംപ്രതി സ്വപ്ന സുരേഷുമായും അടുത്തബന്ധമുണ്ടെന്ന എൻഫോഴ്‌സ്‌മെന്റ് ഡയറക്ടറേറ്റിന്റെ കണ്ടെത്തലാണ് ബിനീഷിനെ കുടുക്കിയത്. നയതന്ത്ര പരിരക്ഷ മുതലാക്കി നടത്തിയ സ്വർണക്കടത്തിനു ബിനാമി-ഹവാല ബന്ധമുണ്ടോയെന്നാണ് ഇ.ഡി. പരിശോധിക്കുന്നത്.

ബിനാമി ഇടപാടിലൂടെ പ്രമുഖർ കള്ളപ്പണം, സ്വർണക്കടത്ത്, മയക്കുമരുന്ന് മേഖലകളിൽ നിക്ഷേപം നടത്തിയെന്ന വിവരങ്ങളുടെ അടിസ്ഥാനത്തിലാണു എൻഫോഴ്‌സ്‌മെന്റ് ഡിപ്പാർട്‌മെന്റ് ബിനീഷിനെ ചോദ്യം ചെയ്യുന്നത്. ഇന്നലെ രാവിലെ 9.30-നാണ് ബിനീഷ് എൻഫോഴ്‌സ്‌മെന്റ് ഡയറക്ടറേറ്റ് ഓഫീസിൽ ചോദ്യം ചെയ്യലിന് എത്തിയത്. എന്നാൽ ചോദ്യം ചെയ്യൽ പതിനൊന്ന് മണിക്കാണ് തുടങ്ങിയത്. ഇ.ഡി. ദക്ഷിണമേഖല ജോയിന്റ് ഡയറക്ടർ കെ. ജയഗണേഷ്, കൊച്ചി അസിസ്റ്റന്റ് ഡയറക്ടർ പി. രാധാകൃഷ്ണൻ എന്നിവരുടെ നേതൃത്വത്തിലായിരുന്നു ചോദ്യംചെയ്യൽ.

LEAVE A REPLY

Please enter your comment!
Please enter your name here

Most Popular

ചിന്തിച്ചത് ജീവിതം പാഴാക്കുന്നവരെന്ന്,കന്യാസ്ത്രീ മഠത്തിൽ കഴിയേണ്ടി വന്ന അക്രൈസ്തവ യുവാവിന്റെ കുറിപ്പ് വൈറൽ

ബാഗ് നഷ്ടപ്പെട്ട് അപ്രതീക്ഷിതമായി കന്യാസ്ത്രീ മഠത്തിൽ കഴിയേണ്ടി വന്ന അക്രൈസ്തവ യുവാവിന്റെ കുറിപ്പ് ഫേസ്ബുക്കിൽ വൈറലാകുന്നു.ബിരുദാനന്തര ബിരുദം ലക്ഷ്യമിട്ട് ജർമ്മനിയിൽ എത്തിയ വിവേക് കന്യാസ്ത്രീകളെപ്പറ്റി പറയുന്ന വാക്കുകളാണ് വൈറലായി മാറിയിരിക്കുന്നത്.

സംസ്ഥാനത്ത് ഇന്ന് 4696 പേർക്ക് കോവിഡ്-19, 4425 പേർക്ക് സമ്പർക്കത്തിലൂടെ രോഗം

സംസ്ഥാനത്ത് ഇന്ന് 4696 പേർക്ക് കോവിഡ്-19 സ്ഥിരീകരിച്ചു. തിരുവനന്തപുരം 892, എറണാകുളം 537, കോഴിക്കോട് 536, മലപ്പുറം 483, കൊല്ലം 330, തൃശൂർ 322, പാലക്കാട് 289, കോട്ടയം 274,...

എൻ.കെ. പ്രേമചന്ദ്രൻ എംപിക്ക് കോവിഡ്

ന്യൂഡൽഹി: എൻ.കെ. പ്രേമചന്ദ്രൻ എംപിക്ക് കോവിഡ് സ്ഥിരീകരിച്ചു. ഇന്നാണ് അദ്ദേഹത്തിന് കോവിഡ് സ്ഥിരീകരിച്ചത്. പാർലമെന്റിന്റെ സമ്മേളനത്തിൽ പങ്കെടുക്കുന്നതിനായി ഡൽഹിയിലാണ് അദേഹം. ശനിയാഴ്ച യുഡിഎഫ് എംപിമാരുടെ കൂടെ...

സംസ്ഥാനത്ത് കൊവിഡ് ബാധിച്ച് ഡോക്ടര്‍ മരിച്ചു

തിരുവന്തപുരം: സംസ്ഥാനത്ത് കൊവിഡ് ബാധിച്ച് ഡോക്ടർ മരിച്ചു. തിരുവനന്തപുരത്ത് അട്ടക്കുളങ്ങര കെബിഎം ക്ലിനിക്ക് നടത്തിയിരുന്ന ഡോ എംഎസ് ആബ്ദീനാണ് ഇന്ന് രാവിലെ മരിച്ചത്. കേരളത്തിൽ കൊവിഡ് ബാധിച്ച് മരിക്കുന്ന ആദ്യ...

Recent Comments

You cannot copy content of this page