കൊച്ചി:എംഎല്‍എ എല്‍ദോസ് കുന്നപ്പള്ളിക്കെതിരായ പീഡനപരാതി വ്യാജമാണോ എന്ന് സംശയം
പ്രകടിപ്പിച്ച് ഹൈക്കോടതി. യുവതിയുടെ പരാതിയില്‍ അസ്വാഭാവികതയുണ്ടെന്നും വധശ്രമ ആരോപണങ്ങളില്‍ മതിയായ തെളിവുകളില്ലെന്നും കോടതി നിരീക്ഷിച്ചു. കുന്നപ്പള്ളിക്ക് നല്‍കിയ ജാമ്യം റദ്ദാക്കണമെന്ന സര്‍ക്കാരിന്റെ ആവശ്യം തള്ളിക്കൊണ്ടുള്ള ഉത്തരവിലാണ് ഈ നിരീക്ഷണങ്ങളുള്ളത്
എല്‍ദോസ് കുന്നപ്പള്ളി 2022 ജൂലായില്‍ തന്നെ പീഡിപ്പിച്ചെന്നാണ് പരാതി. എന്നാല്‍ ഓഗസ്ത് മാസത്തില്‍ അതേ റിസോര്‍ട്ടിലെത്തി പരസ്പരസമ്മതത്തോടെ ശാരീരികബന്ധത്തിലേര്‍പ്പെട്ടതിലാണ് കോടതി സംശയം പ്രകടിപ്പിച്ചത്. വധശ്രമ കേസിലും കോടതി നിരീക്ഷണം നടത്തിയിട്ടുണ്ട്. സാഹചര്യത്തെളിവുകളടക്കം പരിശോധിച്ചാല്‍ വധശ്രമ ആരോപണത്തില്‍ മതിയായ തെളിവുകളില്ലെന്നായിരുന്നു ഹൈക്കോടതിയുടെ നിരീക്ഷണം.
