കോഴിക്കോട് : ബന്ധുവിന്റെ ഗൃഹപ്രവേശനച്ചടങ്ങില്‍ പാട്ടുപാടവെ യുവാവ് കുഴഞ്ഞുവീണുമരിച്ചു. കോഴിക്കോട് പെരുമണ്ണാണ് സംഭവം. പാറമ്മല്‍ സ്മിതാലയം വീട്ടില്‍ സുനില്‍കുമാര്‍ (47) ആണ് മരിച്ചത്.
ചെറുകുളത്തൂര്‍ പറമ്പില്‍ത്തൊടികയില്‍ സതീഷ് ബാബുവിന്റെ വീട്ടില്‍ ബുധനാഴ്ച രാത്രി 7.15ഓടെയാണ് സംഭവം. പാട്ടുപാടിക്കൊണ്ടിരിക്കെ കുഴഞ്ഞുവീണ സുനില്‍കുമാറിനെ ഉടന്‍ തന്നെ കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഗാനമേളകളില്‍ പങ്കെടുക്കാറുണ്ട്.
അച്ഛന്‍: പരേതനായ ഗോപാലകൃഷ്ണക്കുറുപ്പ്. മാതാവ്: പത്മാവതി അമ്മ. സഹോദരങ്ങള്‍: ചന്ദ്രന്‍ (കാ ലിക്കറ്റ് സിറ്റി സര്‍വിസ് ബാങ്ക്), സിന്ധു, സ്മിത. അവിവാഹിതനാണ്.
