തിരുവനന്തപുരം: സിനിമാ താരം കലാഭവന്‍ ഹനീഫ് അന്തരിച്ചു. 58 വയസായിരുന്നു. ശ്വാസസംബന്ധമായ അസുഖത്തിന് ചികിത്സയിലായിരുന്നു. എറണാകുളം മട്ടാഞ്ചേരി സ്വദേശിയാണ്.
മിമിക്രി കലാകാരനായിരുന്ന അദ്ദേഹം നിരവധി സിനിമകളിലും സീരിയലുകളിലും വേഷമിട്ടിട്ടുണ്ട്. ഈ പറക്കും തളിക സിനിമയിലെ മണവാളന്‍ വേഷം ശ്രദ്ധയം.
നാടകത്തിലൂടെ തുടങ്ങിയ കലാജീവിതം ഹനീഫിനെ കലാഭവനില്‍ കൊണ്ടെത്തിച്ചു. പിന്നീട് കലാഭവന്‍ ട്രൂപ്പിലെ പ്രധാന മിമിക്രി ആര്‍ട്ടിസ്റ്റുകളിലൊരാളായി. 1991 ല്‍ മിമിക്‌സ പരേഡ് എന്ന ചിത്രത്തിലാണ് ആദ്യമായി അഭിനയിച്ചത്.
