കബീര്‍ധാം: വിവാഹാഘോഷ വേളയില്‍ ഭാര്യക്കൊപ്പം നൃത്തം ചെയ്ത സഹോദരങ്ങളെ കൊലപ്പെടുത്തി യുവാവ്. ഛത്തീസ്ഗഡിലെ കബീര്‍ധാം ജില്ലയിലാണ് സംഭവം. മാരകമായി പരിക്കേറ്റ ഭാര്യാസഹോദരനെയും മൂത്ത സഹോദരനെയും ആശുപത്രിയില്‍ പ്രവേശിപ്പിച്ചു. വിവാഹ ചടങ്ങിനിടെ ഭാര്യ മറ്റ് കുടുംബാംഗങ്ങള്‍ക്കൊപ്പം നൃത്തം ചെയ്യുന്നത് കണ്ട യുവാവ് മൂര്‍ച്ചയേറിയ ആയുധം ഉപയോഗിച്ച് ഭാര്യയെ ആക്രമിക്കുകയായിരുന്നു.
തടയാന്‍ ശ്രമിച്ച ഇളയ സഹോദരന്മാരെ കുത്തിക്കൊന്നു. ബംഗൗര ഗ്രാമ സ്വദേശിയായ തിന്‍ഹ ബേഗ എന്നയാണ് പ്രതി. ഇയാളെ ഉടന്‍ തന്നെ പൊലീസ് പിടികൂടി. സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്. ഭാര്യാസഹോദരനും ജ്യേഷ്ഠനും ഗുരുതരമായി പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. പോസ്റ്റ്മോര്‍ട്ടത്തിന് ശേഷം മൃതദേഹങ്ങള്‍ ബന്ധുക്കള്‍ക്ക് വിട്ടുനല്‍കുമെന്ന് എസ്പി ഡോ. ലാലുമന്ദ് സിംഗ് കൂട്ടിച്ചേര്‍ത്തു.
