തിരുവനന്തപുരം: വാമൂടി കെട്ടി മൂക്കില്‍ ക്ലിപ്പിട്ട് മരിച്ച നിലയില്‍ കണ്ടെത്തിയ ഇരുപതുകാരി വിഷാദരോഗത്തിന് ചികിത്സയിലായിരുന്നുവെന്ന് വിവരം. പട്ടം പ്ലാമൂട് സ്വദേശി സേവ്യറുടെ മകള്‍ സാന്ദ്രയാണ് (20) മരിച്ചത്. വീടിനുള്ളിലെ അടച്ചിട്ടമുറിയിലായിരുന്നു മൃതദേഹം കണ്ടെത്തിയത്. വിഷാദ രോഗത്തിന് രണ്ട് വര്‍ഷമായി സാന്ദ്ര ചികിത്സയിലായിരുന്നു എന്നാണ് ലഭിക്കുന്ന വിവരം. കോളേജില്‍ പോകാറില്ലായിരുന്നു എന്നും ബന്ധുക്കള്‍ തിരുവനന്തപുരം മ്യൂസിയം പൊലീസിന് മൊഴി നല്‍കി.അടുത്തിടെയായി ഏതു സമയവും മുറിക്കുള്ളിലിരുന്ന് മൊബൈല്‍ ഗെയിം കളിക്കുന്നതായിരുന്നു സാന്ദ്രയുടെ പ്രധാന വിനോദം എന്നാണ്
വായില്‍ പ്ലാസ്റ്റര്‍ ഒട്ടിച്ച നിലയിലും മൂക്കില്‍ ക്ലിപ്പിട്ട നിലയിലുമായിരുന്നു മൃതദേഹം. ശ്വാസം മുട്ടിയാണ് മരിച്ചത് എന്നാണ് പ്രാഥമിക നിഗമനം.
മുറിക്കുള്ളില്‍ അടച്ചിരിക്കുക സാന്ദ്രയുടെ പതിവാണ്. കഴിഞ്ഞ ദിവസം പകലും സാന്ദ്ര മുറിക്കുള്ളിലായിരുന്നു. ഈ സമയം അച്ഛനും സഹോദരനും വീട്ടിലുണ്ടായിരുന്നു. വൈകീട്ട് അമ്മ ജോലി കഴിഞ്ഞുവന്ന് വിളിച്ചപ്പോള്‍ വാതില്‍ തുറന്നില്ല. പിന്നീട് ഏഴ് മണി കഴിഞ്ഞാണ് സംശയം തോന്നി മുറി തുറന്നത്. ആത്മഹത്യയാണെന്നാണ് പോലിസിന്റെ പ്രാഥമിക നിഗമനം.
