കോഴിക്കോട്: ബൈക്കുകൾ കൂട്ടിയിടിച്ച് ഒരുമരണം. കൂടരഞ്ഞിയിലാണ് ബൈക്കുകൾ തമ്മിൽ കൂട്ടിയിടിച്ചത്. കരിങ്കുറ്റി സ്വദേശി കൈതക്കുന്നേൽ സന്തോഷിന്റെ മകൻ സന്ദീപാണ് മരിച്ചത്. സന്ദീപിന്റെ കൂടെ ബൈക്കിലുണ്ടായിരുന്ന കരോട്ടുപാറ സ്വദേശി അജിത്തിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കൂടരഞ്ഞി കള്ളുഷാപ്പിന് സമീപത്ത് വച്ചായിരുന്നു ഡ്യൂക്ക് ബൈക്കും ബുള്ളറ്റും കൂട്ടിയിടിച്ചത്. അപകടത്തിൽ രണ്ട് പേർക്ക് ഗുരുതര പരുക്കേൽക്കുകയും ചെയ്തു. ഇവരെയും മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
