തിരുവനന്തപുരം: കെ എസ് ആര്‍ ടി സി ബസില്‍ നഴ്‌സിനെ പീഡിപ്പിക്കാന്‍ ശ്രമിച്ച യുവാവ് പിടിയില്‍. ഇന്നലെ രാത്രി പത്തുമണിയ്ക്ക് കാഞ്ഞിരംകുളം- പൂവാര്‍ റൂട്ടില്‍ സര്‍വീസ് നടത്തിയ കെ എസ് ആര്‍ ടി സി ബസിലാണ് സംഭവം.നഴ്‌സായ യുവതിയുടെ പരാതിയില്‍ കാഞ്ഞിരംകുളം സ്വദേശി രഞ്ജിത്തിനെ നെയ്യാറ്റിന്‍കര പൊലീസ് കസ്റ്റഡിയിലെടുത്തു.
ജോലി കഴിഞ്ഞ് വീട്ടിലേയ്ക്ക് മടങ്ങുകയായിരുന്ന യുവതിയോട് രഞ്ജിത്ത് പലതവണ മോശമായി പെരുമാറിയെന്നാണ് പരാതി. ബസില്‍വച്ച് യുവതി വിവരം ബന്ധുക്കളെ അറിയിച്ചു. തുടര്‍ന്ന് ഇവരെത്തി ബസ് തടഞ്ഞുനിര്‍ത്തി രഞ്ജിത്തിനെ പിടികൂടി പൊലീസിന് കൈമാറുകയായിരുന്നു.
