യുവവൈദികൻ തൂങ്ങിമരിച്ച നിലയിൽ, ജീവനൊടുക്കുന്നത് നാലാമത്തെ വൈദികന്‍

0
65

തുത്തുക്കുടി: യുവവൈദികൻ ഹോസ്റ്റൽ മുറിയിലെ ഫാനിൽ തൂങ്ങിമരിച്ച നിലയിൽ. തൂത്തുകുടി രൂപതയിലെ ഫാ. സേവ്യർ ആൽവിനെയാണ് തൂങ്ങിമരിച്ച നിലയിൽ കണ്ടെത്തിയത്.

മുപ്പത്തഞ്ചുകാരനായ ഫാ. സേവ്യർ സെന്റ് തോമസ് മെട്രിക്കുലേഷൻ സ്‌കൂളിലെ ഇംഗ്ലീഷ് അധ്യാപകനായി 2020 ൽ ചാർജെടുത്തിരുന്നു. രണ്ടാഴ്ചയായി ഹോസ്റ്റലിലായിരുന്നു താമസം. അദ്ദേഹത്തെ വിളിക്കാൻ ഹോസ്റ്റലിലെത്തിയ സ്‌കൂൾ ജീവനക്കാരാണ് മുറിക്കുള്ളിൽ തൂങ്ങിമരിച്ച നിലയിൽ ഫാ.സേവ്യറിനെ കണ്ടത്. ട്രാൻസ്ജെൻഡർ വിഭാഗത്തിന്റെ പുരോഗതിക്കായി ജീവിതം ഉഴിഞ്ഞുവെച്ച വ്യക്തിയായിരുന്നു ഫാ.സേവ്യർ.

ഒരു വർഷത്തിനിടെ ഫാ. സേവ്യറടക്കം നാലു വൈദികരെയാണ് സ്വയം ജീവനൊടുക്കിയ നിലയിൽ കണ്ടെത്തിയത്. ചങ്ങനാശ്ശേരി അതിരൂപതാംഗമായ ഫാ.തോമസ് എട്ടുപറയിൽ, കർണ്ണാടകയിലെ ഉഡുപ്പി രൂപതാംഗമായ ഫാ. മഹേഷ് ഡിസൂസ, ഗുണ്ടൂർ രൂപതയിലെ ഫാ. ബാല ഷ്രൗറി റെഡി എന്നിവരെയും മരിച്ചനിലയിൽ കണ്ടെത്തുകയായിരുന്നു.

അച്ഛന്മാർക്കും കന്യാസ്ത്രീ മാർക്കും കൗൺസിലിങ് കൊടുക്കേണ്ടിയിരിക്കുന്നു .ഒപ്പം ഓരോ വ്യക്തിയുടെയും പ്രാർത്ഥനകൾ അവർക്ക് ആവശ്യമാണ് . ഈ കാലഘട്ടത്തിൽ.അൽമായർക്ക് കൗൺസിലിങ് കൊടുക്കുന്നത് പോലെ തന്നെ വൈദികർക്കും കന്യാസ്ത്രീകൾക്കും ആവശ്യമാണ് .രൂപതകൾ ഉണർന്നു പ്രവർത്തിക്കേണ്ട സമയം ആയിരിക്കുന്നു സമയം കളയാനില്ല ഈശോയുടെ രണ്ടാം വരവിനുള്ള സാധ്യതകൾ ഏറെയാണ് കാണാത്ത കാഴ്ചകൾ ആണ് ഇപ്പോൾ കണ്ടുകൊണ്ടിരിക്കുന്നത് .നമ്മുടെ വൈദികർക്കും കന്യാസ്ത്രീ മാർക്കും വേണ്ടി പ്രാർത്ഥിക്കേണ്ട സമയമായിരിക്കുന്നു.

LEAVE A REPLY

Please enter your comment!
Please enter your name here