ഇന്ത്യയുമായുളള ബന്ധം പ്രധാനമാണെന്നും പങ്കാളിത്തം തുടരുമെന്നും കനേഡിയന് പ്രതിരോധമന്ത്രി ബില് ബ്ലെയര്. ദി വെസ്റ്റ് ബ്ലോക്കിനോടാണ് ഇന്ത്യയോടുള്ള കാനഡയുടെ സമീപനം മന്ത്രി വ്യക്തമാക്കിയത്. അതേസമയം, നിയമത്തെ സംരക്ഷിക്കാനും, പൗരന്മാരെ സംരക്ഷിക്കാനും, സമഗ്രമായ അന്വേഷണം നടത്തി സത്യം കണ്ടെത്താനും ഞങ്ങള്ക്ക് ഉത്തരവാദിത്തമുണ്ട്. ആരോപണങ്ങള് ശരിയാണെന്ന് തെളിഞ്ഞാല്, കനേഡിയന് മണ്ണില് ഒരു കനേഡിയന് പൗരന്റെ കൊലപാതകം നടന്നിട്ടുണ്ടെങ്കില് അത് നമ്മുടെ പരമാധികാരത്തിന്റെ ലംഘനവുമായി ബന്ധപ്പെട്ട് ആശങ്കയുണ്ടാക്കുമെന്നും ബ്ലെയര് പറഞ്ഞു.
ജൂണ് 18 ന് ബ്രിട്ടീഷ് കൊളംബിയയില്, ഖാലിസ്ഥാനി തീവ്രവാദി ഹര്ദീപ് സിംഗ് നിജ്ജാറിനെ കൊലപ്പെടുത്തിയതില് ഇന്ത്യന് ഏജന്റുമാര്ക്ക് പങ്കുണ്ടെന്ന കനേഡിയന് പ്രധാനമന്ത്രി ജസ്റ്റിന് ട്രൂഡോയുടെ ആരോപണത്തെത്തുടര്ന്ന് ഇന്ത്യയും കാനഡയും തമ്മില് തര്ക്കം നിലനില്ക്കുന്നതിനിടെയാണ് മന്ത്രിയുടെ പ്രസ്താവന. 2020 ല് ഇന്ത്യ നിജ്ജാറിനെ ഭീകരനായി പ്രഖ്യാപിച്ചിരുന്നു. അതേസമയം കാനഡയുടെ ആരോപണങ്ങള് ഇന്ത്യ തള്ളിക്കളഞ്ഞു. ഇന്ത്യന് നയതന്ത്ര ഉദ്യോഗസ്ഥനെ കാനഡ പുറത്താക്കിയതിന് പിന്നാലെ ഇന്ത്യയും കനേഡിയന് നയതന്ത്രജ്ഞനെ പുറത്താക്കിയിരുന്നു.
അതേസമയം കാനഡയുടെ മണ്ണില് നിന്ന് പ്രവര്ത്തിക്കുന്ന തീവ്രവാദികള്ക്കും ഇന്ത്യാ വിരുദ്ധര്ക്കും എതിരെ ശക്തമായ നടപടി സ്വീകരിക്കാന് ഇന്ത്യ കാനഡയോട് ആവശ്യപ്പെടുകയും കനേഡിയന് പൗരന്മാര്ക്കുള്ള വിസ സേവനങ്ങള് താല്ക്കാലികമായി നിര്ത്തിവയ്ക്കുകയും ചെയ്തു. രാജ്യത്തെ നയതന്ത്ര ഉദ്യോഗസ്ഥരുടെ എണ്ണം കുറയ്ക്കാനും ഇന്ത്യ കാനഡയോട് ആവശ്യപ്പെട്ടു.
ലിംഗമാറ്റ ശസ്ത്രക്രിയ മാനവരാശിയുടെ ഭാവിയ്ക്ക് ഭീഷണി: വത്തിക്കാന്
യുദ്ധം യുഗാന്ത്യത്തിന്റെ അടയാളം, കര്ത്താവിന്റെ രണ്ടാം വരവ് തൊട്ടരികെ ബ്ര.ഷിബു കിഴക്കേക്കുറ്റ്
ക്രൈസ്തവ വിശ്വാസത്തിന്റെ അടിസ്ഥാനം ക്രിസ്തുവിന്റെ ഉത്ഥാനം; സീറോ മലബാര് സഭാ മേജര് ആര്ച്ച് ബിഷപ്പ് മാര് റാഫേല് തട്ടില്
പെസഹാവ്യാഴം, മുറിയാനുള്ള ക്ഷണം
കുമ്പസാരം സ്വര്ഗത്തിലേക്കുളള വാതില്, വൈദികന് പാപങ്ങള് ഓര്ത്തിരിക്കുമോ?
Comment