സമൂഹമാധ്യമങ്ങള്‍ കുട്ടികള്‍ ഉപയോഗിക്കേണ്ട: പുതിയ നിയമവുമായി ഫ്‌ളോറിഡ

27 March, 2024

തലഹസ്സീ: പതിനാല് വയസിന് താഴെയുള്ള കുട്ടികള്‍ സോഷ്യല്‍മീഡിയ ഉപയോഗിക്കുന്നത് തടയുന്നതിനായി നിയമനിര്‍മാണം നടത്തി ഫ്‌ലോറിഡ. പുതിയ നിയമപ്രകാരം 14 വയസിന് താഴെയുള്ളവര്‍ക്ക് സോഷ്യല്‍ മീഡിയ ഉപയോ?ഗിക്കാന്‍ സാധിക്കില്ല. ഇത് സംബന്ധിച്ച ബില്ലില്‍ ഗവര്‍ണര്‍ റോണ്‍ ഡെസാന്റിസ് ഒപ്പുവച്ചു. 14-15 വയസുള്ള കുട്ടികള്‍ക്ക് സോഷ്യല്‍ മീഡിയ പ്ലാറ്റ്ഫോമുകള്‍ ഉപയോ?ഗിക്കണമെങ്കില്‍ മാതാപിതാക്കളുടെ അനുമതി നിര്‍ബന്ധമാക്കുകയും ചെയ്തു.

കുട്ടികളുടെ മാനസികാരോ?ഗ്യം മെച്ചപ്പെടുത്തുന്നതിനും ഓണ്‍ലൈന്‍ ചതിക്കുഴികളില്‍ നിന്ന് കുട്ടികളെ സംരക്ഷിക്കുന്നതിനും സഹായിക്കുമെന്ന വിലയിരുത്തലിലാണ് നിയമം കൊണ്ടുവന്നത്. പുതിയ നിയമം പ്രാബല്യത്തില്‍ വരുമ്പോള്‍ 14 വയസിന് താഴെയുള്ളവരുടെ അക്കൗണ്ടുകളും മാതാപിതാക്കളുടെ സമ്മതമില്ലാതെ പ്രവര്‍ത്തിക്കുന്ന 16 വയസിന് താഴെയുള്ളവരുടെ അക്കൗണ്ടുകളും നിര്‍ത്തലാക്കും.

2025 ജനുവരി ഒന്ന് മുതല്‍ നിയമം പ്രാബല്യത്തിലാകുമെന്ന് അധികൃതര്‍ പറഞ്ഞു. എന്നാലിത് സ്വകാര്യതയിലേക്കുള്ള കടന്നുകയറ്റമാണെന്ന് 'മെറ്റ' ചൂണ്ടിക്കാട്ടി. ഏതെങ്കിലും ഒരു പ്രത്യേക സോഷ്യല്‍ മീഡിയ പ്ലാറ്റ്ഫോമിനെക്കുറിച്ച് ബില്ലില്‍ എടുത്ത് പറയുന്നില്ലെങ്കിലും അനന്തമായി സ്‌ക്രോള്‍ ചെയ്യാന്‍ സാധിക്കുന്ന കണ്ടന്റുകള്‍ നല്‍കുന്ന എല്ലാ പ്ലാറ്റ്ഫോമുകളും ബില്ലിന്റെ പരിധിയില്‍ വരുമെന്നാണ് സൂചിപ്പിക്കുന്നത്.


Comment

Editor Pics

Related News

യു.കെ യാത്രയ്ക്കിടെ നഴ്‌സിന്റെ മരണം; വില്ലന്‍ അരളിച്ചെടി
ബ്രിട്ടനിലെ അതിസമ്പന്നര്‍ ജി പി ഹിന്ദുജയും ബ്രിട്ടീഷ് പ്രധാനമന്ത്രിയും ഭാര്യയും
കൊവിഷീല്‍ഡ് രക്തം കട്ടപിടിയ്ക്കുന്ന രോഗത്തിന് കാരണമാകും; ആസ്ട്രാസെനെക്ക
നടന്‍ മാത്യുവിന്റെ കുടുംബം സഞ്ചരിച്ചിരുന്ന ജീപ്പ് മറിഞ്ഞ് ബന്ധു മരിച്ചു