പത്തനംതിട്ട: അടൂര് പട്ടാഴിമുക്കിലെ വാഹനാപകടത്തിന്റെ കാരണമറിയാന് പൊലീസ് അനുജയുടെയും ഹാഷിമിന്റെയും മൊബൈല് ഫോണ് പരിശോധിക്കും. ഫോണിലെ വിവരങ്ങള് ഫൊറന്സിക് പരിശോധനയിലൂടെ പുറത്തെടുക്കാനുള്ള ശ്രമത്തിലാണ് പൊലീസ്. ഇതിനായി മൊബൈലുകള് വിദഗ്ധ പരിശോധനകള്ക്ക് അയക്കും.
ഹാഷിമിന്റെ മൃതദേഹം ഇന്നലെ രാത്രി തന്നെ സംസ്കരിച്ചു. അനുജയുടെ സംസ്കാരം ഇന്ന് നടക്കും. വിനോദയാത്ര കഴിഞ്ഞു മടങ്ങുന്നതിനിടെ തുമ്പമണ് സ്കൂളിലെ അധ്യാപികയായ അനുജയെ കാറില് എത്തി ഹാഷിം നിര്ബന്ധിച്ചു കൂട്ടിക്കൊണ്ടു പോവുകയായിരുന്നു. ചോദിച്ചപ്പോള് ചിറ്റപ്പന്റെ മകനാണെന്നാണ് അനുജ സപഹപ്രവര്ത്തകരോട് പറഞ്ഞത്.
എന്നാല് ഇവരുടെ സൗഹൃദത്തെ കുറിച്ച് രണ്ടു വീട്ടുകാര്ക്കും അറിവില്ല. ഇരുവരുടെയും മരണത്തില് ദുരൂഹത തുടരുകയാണ്. കാര് മനഃപൂര്വ്വം ട്രക്കിലിടിപ്പിച്ചതാണോ എന്ന സംശയത്തിലാണ് അടൂര് പൊലീസ്. മരണത്തിലെ ദുരൂഹത നീക്കാന് പൊലീസ് വിശദമായ അന്വേഷണം നടത്തിവരികയാണ്. ശാസ്ത്രിയ പരിശോധനയിലൂടെ സംശയങ്ങള്ക്ക് ഉത്തരം കണ്ടെത്താനാവുമെന്ന വിശ്വാസത്തിലാണ് പൊലീസ്.
കോട്ടയം മെഡിക്കല് കോളജിലെ പോസ്റ്റ്മോര്ട്ടത്തിന് ശേഷം രാസ പരിശോധനയ്ക്ക് ആവശ്യമായ സാമ്പിളുകള് മരിച്ച രണ്ട് പേരുടെയും മൃതദേഹങ്ങളില് നിന്ന് ശേഖരിച്ചു. വാഹനാപകടം നടന്ന സമയത്ത് ഇരുവരും ഉപയോഗിച്ചിരുന്ന മൊബൈല് ഫോണുകളും പൊലീസ് കണ്ടെടുത്തിട്ടുണ്ട്. മൊബൈല് ഫോണിന്റെ ലോക്കഴിച്ച് വിവരങ്ങള് ശേഖരിക്കാന് കഴിഞ്ഞില്ല.
ഈ സാഹചര്യത്തില് വിദഗ്ധ പരിശോധനയ്ക്ക് ഫൊറന്സിക് ലാബിലേക്ക് ഫോണുകള് അയക്കും. വാട്സ്ആപ്പ് ചാറ്റുകള് ഉള്പ്പെടെ വീണ്ടെടുക്കാനാണ് ശ്രമം. അപകടം ഉണ്ടാകും മുന്പ് അനുജ അവസാനമായി സംസാരിച്ച തുമ്പമണ് സ്കൂളിലെ അധ്യാപകരുടെ മൊഴി വിശദമായി രേഖപ്പെടുത്തുമെന്നും പൊലീസ് അറിയിച്ചു.
ലിംഗമാറ്റ ശസ്ത്രക്രിയ മാനവരാശിയുടെ ഭാവിയ്ക്ക് ഭീഷണി: വത്തിക്കാന്
ക്രൈസ്തവ വിശ്വാസത്തിന്റെ അടിസ്ഥാനം ക്രിസ്തുവിന്റെ ഉത്ഥാനം; സീറോ മലബാര് സഭാ മേജര് ആര്ച്ച് ബിഷപ്പ് മാര് റാഫേല് തട്ടില്
പെസഹാവ്യാഴം, മുറിയാനുള്ള ക്ഷണം
കുമ്പസാരം സ്വര്ഗത്തിലേക്കുളള വാതില്, വൈദികന് പാപങ്ങള് ഓര്ത്തിരിക്കുമോ?
ദൈവമക്കൾ കരുതിയിരിക്കുക, കൈയിൽ ചിപ്പുകൾ ഘടിപ്പിച്ചുതുടങ്ങി
Comment