ഇറാന്‍ സൈന്യം പിടിച്ചെടുത്ത എംഎസ്സി ഏരീസ് എന്ന ഇസ്രായേല്‍ ചരക്ക് കപ്പലിലെ 17 ഇന്ത്യന്‍ ജീവനക്കാരുമായി കൂടിക്കാഴ്ച നടത്താന്‍ ഇന്ത്യന്‍ സര്‍ക്കാര്‍ ഉദ്യോഗസ്ഥരെ അനുവദിക്കുമെന്ന് ഇറാന്‍ വിദേശകാര്യ മന്ത്രി ഹുസൈന്‍ അമിറാബ്ദുള്ളാഹിയാന്‍. 

ജയശങ്കര്‍ ഇറാനിയന്‍ വിദേശകാര്യ മന്ത്രാലയവുമായി ഒരു ഫോണ്‍ കോളില്‍ എംഎസ്സി ഏരീസിലെ 17 ഇന്ത്യന്‍ ക്രൂ അംഗങ്ങളുടെ അവസ്ഥയെക്കുറിച്ച് ആശങ്ക പ്രകടിപ്പിക്കുകയും ഇക്കാര്യത്തില്‍ ഇറാനില്‍ നിന്ന് സഹായം അഭ്യര്‍ത്ഥിക്കുകയും ചെയ്തു.

ഇതിന് മറുപടിയായി, പിടിച്ചെടുത്ത ചരക്ക് കപ്പലുമായി ബന്ധപ്പെട്ട വിശദാംശങ്ങള്‍ തന്റെ സര്‍ക്കാര്‍ പിന്തുടരുകയാണെന്ന് ഇറാന്‍ വിദേശകാര്യ മന്ത്രി പറഞ്ഞു. ഇന്ത്യന്‍ സര്‍ക്കാരിന്റെ പ്രതിനിധികള്‍ ക്രൂവുമായി കൂടിക്കാഴ്ച നടത്തുന്നതിനുള്ള സാധ്യത ഉടന്‍ നല്‍കുമെന്നും അദ്ദേഹം പറഞ്ഞു.