നിര്‍മ്മാണത്തിലിരുന്ന കെട്ടിടം തകര്‍ന്ന് ഡല്‍ഹിയില്‍ രണ്ടുമരണം. ഡല്‍ഹിയിലെ വെല്‍കം ഏരിയയിലാണ് സംഭവം. ഒരാള്‍ക്ക് ഗുരുതരമായി പരിക്കേറ്റിട്ടുണ്ട്. ബുധനാഴ്ച രാത്രി വൈകിയാണ് കെട്ടിടം തകര്‍ന്നതെന്നാണ് പോലീസ് പറയുന്നത്. തുടര്‍ന്ന് 3 തൊഴിലാളികള്‍ കെട്ടിടത്തിനടിയില്‍ പെട്ടു. 

രക്ഷാപ്രവര്‍ത്തനത്തിന് ശേഷം മൂവരെയും പുറത്തെടുക്കാന്‍ സാധിച്ചത്. എന്നാല്‍ അപ്പോഴേയ്ക്കും ഇതില്‍ രണ്ട് പേരുടെ ജീവന്‍ നഷ്ടമായിരുന്നു. ഒരു തൊഴിലാളിയുടെ നില ഗുരുതരമാണെന്നാണ് വിവരം.

വെല്‍ക്കം ഏരിയയിലെ കബീര്‍ നഗറില്‍ ഉച്ചകഴിഞ്ഞ് 2.16 ഓടെയാണ് കെട്ടിടം തകര്‍ന്നതായി റിപ്പോര്‍ട്ട് ചെയ്യപ്പെട്ടത്. അര്‍ഷാദ് (30), തൗഹീദ് (20), രെഹാന്‍ (22) എന്നിവരാണ് അവശിഷ്ടങ്ങള്‍ക്കടിയില്‍ കുടുങ്ങിയത്. സംഭവത്തില്‍ അര്‍ഷാദും തൗഹീദും മരിച്ചു. അതേസമയം, റെഹാന് സാരമായി പരിക്കേറ്റു