സൂറത്ത്: പ്രണയത്തില്‍ നിന്ന് പിന്മാറാന്‍ ശ്രമിച്ചതിന് കാമുകിയെ ബലാത്സംഗം ചെയ്ത് ജനനേന്ദ്രിയത്തില്‍ മുളകുപൊടി തേച്ച യുവാവ് പിടിയില്‍. യുവാവ് വിവാഹിതനെന്നറിഞ്ഞപ്പോള്‍ ബന്ധം അവസാനിപ്പിക്കാന്‍ യുവതി തീരുമാനിച്ചതിനെ തുടര്‍ന്നായിരുന്നു ആക്രമണം. ആക്രമണത്തില്‍ പരുക്കേറ്റ യുവതിയെ ആശുപത്രിയില്‍ പ്രവേശിപ്പിച്ചു.
ഗുജറാത്തിലെ സൂറത്തിലാണ് സംഭവം. നികുഞ്ച് കുമാര്‍ അമൃത് ഭായ് പട്ടേല്‍ എന്നയാള്‍ക്കെതിരെയാണ് കേസ്. വിവാഹിതനാണെന്ന കാര്യം മറച്ചുവച്ചാണ് ഇയാള്‍ യുവതിയുമായി പ്രണയത്തിലായത്. യുവതി ഇക്കാര്യം അറിഞ്ഞതോടെ ഇരുവരും തമ്മില്‍ വഴക്കായി. തുടര്‍ന്ന് പട്ടേലുമായുള്ള ബന്ധം അവസാനിപ്പിക്കാന്‍ യുവതി തീരുമാനിച്ചു. ഈ തീരുമാനത്തില്‍ രോഷാകുലനായ യുവാവ് കാമുകിയെ കേബിള്‍ കൊണ്ട് അടിച്ച് പരുക്കേല്പിച്ചു.
ശേഷം യുവതിയെ ക്രൂരമായി ബലാത്സംഗം ചെയ്ത ഇയാള്‍ ജനനേന്ദ്രിയത്തില്‍ മുളകുപൊടി വിതറുകയും ചെയ്തു. വിവരം പുറത്തുപറഞ്ഞാല്‍ സ്വകാര്യ ദൃശ്യങ്ങള്‍ പങ്കുവെക്കുമെന്ന് ഇയാള്‍ ഭീഷണിപ്പെടുത്തുകയും ചെയ്തു. യുവതിയുടെ പരാതിയില്‍ പൊലീസ് യുവാവിനെ കസ്റ്റഡിയിലെടുത്തു.
