മലയാളി ഡോക്ടര്‍ അമേരിക്കയില്‍ മരിച്ചു. രാമമംഗലം കിഴുമുറി കുന്നത്ത് ഡോ. മിനി വെട്ടിക്കല്‍ (52) ആണ് ഹൂസ്റ്റണിലുണ്ടായ വാഹനാപകടത്തില്‍ മരിച്ചത്. കുന്നത്ത് കെ വി പൗലോസിന്റെയും പരേതയായ ഏലിയാമ്മയുടെയും മകളാണ്. കുടുംബത്തോടൊപ്പം ഹൂസ്റ്റണിലായിരുന്നു താമസം.
മിനി സഞ്ചരിച്ചിരുന്ന കാറിലേക്ക ബൈക്കിടിച്ചു കയറുകയായിരുന്നു. വൈകിട്ട് നാല് മണിയോടെ സ്‌കോട്ട് സ്ട്രീറ്റിലാണ് സംഭവം. സ്ഥലത്ത് വെച്ച് തന്നെ ഡോക്ടര്‍ മരിച്ചു. ബൈക്കോടിച്ചിരുന്ന യുവാവ് ആശുപത്രിയിലാണ് മരിച്ചത്.
നര്‍ത്തകി, മോഡല്‍, വ്‌ലോഗര്‍ എന്നീ നിലകളിലും പ്രശ്‌സ്തയാണ് മിനി വെട്ടിക്കല്‍. മൃതദേഹം ഞായര്‍ 2 മുതല്‍ 5 വരെ ജസെക് ചാപ്പലിലും ബറിങ് ഡ്രൈവ് ജിയോ ലൂയിസ് ആന്‍ഡ് സണ്‍സ് ഗ്രാന്‍ഡ് ഫൊയറിലുമായി പൊതുദര്‍ശനത്തിന് വയ്ക്കും.
ഈരാറ്റുപേട്ട അരുവിത്തുറ വെട്ടിക്കല്‍ കുടുംബാംഗം സെലസ്റ്റിന്‍ (ഐ.ടി. എന്‍ജിനീയര്‍) ആണ് ഭര്‍ത്താവ്. മക്കള്‍: പൂജ, ഇഷ, ദിയ, ഡിലന്‍, ഏയ്ഡന്‍. സംസ്‌കാരം തിങ്കളാഴ്ച ഒരു മണിയ്ക്ക് ഹൂസ്റ്റണിലെ സെയ്ന്റ് ആന്‍ കത്തോലിക്ക പള്ളി സെമിത്തേരിയില്‍.
